L'istòria

Pedro Sacaze, marcadèr drapèr deu sègle XVI...

L’istòria que's debana au miei deu sègle XVI.
Nai es alavetz ua citat comerçanta rica e frutèca.

Aquesta epòca qu'ei vertadèraments l’atge d’aur deus marcadèrs.
Espécialisada hens la fabricacion e lo negòci deus draps de lan, Nai que ved florir un sarròt de marcadèrs qui arrecaptan chic a chic tot lo poder economic e politic de la citat. Qu'an, en efèit, qui possèdent la matèria permèra (aulhas e camps de lin), las atrunas (molins de folon, tintererias...), qui balhan lo tribalh a faiçon (aus tisnèrs, hialaires, talhurcs...) e qui son tanben proprietaris de tèrras e sovent jurats de la vila.

L’un d’entre eths, Pedro Sacaze, originari de la vila, que's va expatrià's longas annadas a Saragossa on esposarà en secondas noças Dauna Gracia Sorgian qui'u miarà en dòt nombrosas possessions en Aragon.

Qu'ei l’un deus mei rics marcadèrs drapèrs de la region.Que tornarà sus las soas tèrras nataus aus alentorns de 1550 e qu’ei alavetz que's harà bastir ua esmiraglanta ostalaria particulara, aperada uei Maison Carrada, suus modèles de las mei ricas maisons Renaishança.

L’istòria de la nosta Pastorala que's debana donc au moment on la maison soa estant practicament acavada, que's va morir soptement (a la seguida d'ua intriga ?...) e que deisharà la gestion deus sons ahars au son gendre, lo bèth Francés de Bonnassa.
Aqueth, Capitan deu Rei Carlés IX, que vad l’un deus pialèrs de la repression catolica pendent las guèrras de religion.